ஒரு ஸோக்கு

கொஞ்ச நாளைக்கு முன்னாடி கமலஹாசனோட புது கன்னட படத்தைப் பத்தி கீர்த்தியோட ஒரு போஸ்ட்-ல டிஸ்கஸ் பண்ணிட்டு இருக்கும்போது நாராயணன் அவருக்குத் தெரிஞ்ச ரெண்டு கன்னட வார்த்தைகளைச் சொன்னார்.. அது ரெண்டும் பந்தியிலே உக்கார்ந்து சாப்பிடும்போது மட்டும்தான் உதவும்.. அப்படிப்பட்ட வார்த்தைகள்.. அதைக் கேட்டதும் எனக்கு ஒரு பழைய ஜோக் ஞாபகம் வந்தது..

ஒருத்தர் நல்லா டிரெஸ் பண்ணிட்டு எங்கே கல்யாணம் நடந்தாலும் சாப்பாட்டுக்கு கரெக்டா போயிடுவார்.. விசேஷம் என்னன்னா அழையா விருந்தாளி. அதே அவருக்கு ஒரு ஹாபி மாதிரி.. ஒருதடவை பெங்களூர் போறார்.. அங்கேயும் தன் கைவரிசையைக் காட்டலாம்னு ஒரு கல்யாணத்துல புகுந்துக்குறார்.. அது ஒரு கன்னட வீட்டுக் கல்யாணம்.. மெதுவா போய் பந்தியில் உக்காந்து ஒரு வெட்டு வெட்ட ஆரம்பிக்கிறார்.. பரிமாற வருபவர் ஒரு கன்னட சமையல்காரர்.. எல்லார்கிட்டேயும் "சாக்கா பேக்கா"ன்னு கேட்டுண்டே வர்றார்.. ('சாக்கா'ன்னா போதுமான்னும் 'பேக்கா'ன்னா வேணுமான்னும் அர்த்தம்). நம்ம நண்பர் அவருக்குப் பக்கத்துல இருக்கிறவர் பேக்குன்னு சொன்னதும் அவருக்குப் பரிமாறப்படுவதைப் பார்க்கிறார்.. அவர்கிட்டே சாக்கா பேக்கான்னு கேட்டா "சாக்குல ரெண்டு பேக்குல ரெண்டு குடுங்க"ன்னு வடிவேலு பாணியில எடுத்து விடுறார் பாருங்க..

அப்புறம் என்ன.. அப்போ கிடைச்ச தர்ம அடியில தெரிஞ்சவங்க வீட்டுக் கல்யாணத்துல கூட இப்பல்லாம் சாப்பிடறதில்ல....